Tensionet e shënuara këtë të enjte para Kuvendit janë shoqëruar me incidente, ku kanë mbetur të plagosur tre efektivë të Policisë së Shtetit.
Sipas burimeve, protestuesit u përplasën me forcat e policisë dhe arritën të çajnë gardhin metalik të vendosur përreth Parlamentit.
Si pasojë e përplasjeve, tre efektivë policie kanë pësuar lëndime dhe janë futur brenda perimetrit të sigurisë së Kuvendit për të marrë ndihmën e parë.
Ndërkohë, në afërsi të Parlamentit është afruar edhe autoboti me ujë, i vendosur në gatishmëri për shpërndarjen e protestuesve në rast të përshkallëzimit të situatës.