Kryeministri Edi Rama ka uruar Shtetet e Bashkuara të Amerikës me rastin e 4 Korrikut, Ditës së Pavarësisë, përmes një mesazhi të publikuar në rrjetet sociale.
Në postimin e tij në Facebook, kreu i qeverisë e cilëson 4 Korrikun si një festë të veçantë edhe për shqiptarët, duke vënë në dukje lidhjet e forta historike dhe miqësinë mes Shqipërisë dhe Shteteve të Bashkuara.
“Nën hijen madhështore të Statujës së Lirisë, që është edhe një festë e veçantë për shqiptarët, pavarësisht erërave kundër që historikisht kanë dashur ta zbehin energjinë e bukur të këtij vendi, ju uroj një fundjavë të mbarë”, shkruan Rama në Facebook
