Drejtori i Përgjithshëm i Policisë së Shtetit, Skënder Hita, ka hapur procedurën e konkurrimit për përzgjedhjen e drejtuesve të rinj të tre departamenteve kryesore.
Konkursi përfshin Departamentin e Policisë Kriminale, qe drejtohet nga 2022 nga Neritan Nallbati. Departamentin e Marrëdhënieve Ndërkombëtare qe drejtohet nga Pellumb Seferi dhe Departamentin e Kufirit dhe Migracionit qe drejtohet nga Saimir Muça.
Afati për dorëzimin e dokumentacionit është 13 korriku. Pas verifikimit të dosjeve, kandidatët që plotësojnë kriteret do t’i nënshtrohen intervistimit nga një komision i posaçëm me përfaqësues të Ministrisë së Brendshme dhe Agjencisë së Mbikëqyrjes Policore.
Në garë mund të marrin pjesë vetëm punonjës të Policisë së Shtetit që mbajnë gradën “Drejtues i Lartë”.