Ministrja e Ekonomisë dhe Inovacionit Delina Ibrahimaj sot në 10 korrik në prezantimin e projektit Rilindja Urbane 2.0 tha se zhvillimi i qyteteve ka sjellë më shumë ekonomi.
Ibrahimaj lexoi edhe shifra konkrete, duke thënë se papunësia ka rënë ndjeshëm në qytetet e vendit tonë dhe në rang Republike.
“Norma e papunësisë ka rënë në thuajse çdo bashki të vendit. Janë qytete që duke qenë se kanë shtuar zhvillimin. Zhvillimi urban ka sjellë më shumë ekonomi për vendin. Ne duam që rritjen ekonomike ta kemi të qëndrueshme, ne duam që të ndërtojmë instrumente, që të vijojë zhvillimi ekonomik i vendit. Ne duam që të gjitha bashkitë të ndjekin trendin e rritjes ekonomike të Tiranës. Ne duam që edhe bizneset të gjejnë një potencial të ri për zhvillimin e ri.
Të gjitha këto kanë nevojë për financim, edhe vetë bizneset për të zhvilluar kapacitetet kanë nevojë për financim. Ne duam t’i vijmë në ndihmë sipërmarrjes shqiptare. Ne do të kemi edhe instrumentin ‘Dyfisho ndërmarrjen tënde’, që do jetë në dispozicion të biznesve, që të arrijmë standardet e Bashkimit Europian. Ne kemi program të suportit të start up-eve. Ne duam të modernizojmë biznesin e madh”, tha Ibrahimaj.