Ashtu siç ishte paralajmëruar, protestuesit janë mbledhur pranë godinës së Kuvendit, ku pritet të zhvillojnë tubimin e radhës.
Në zonë janë marrë masa të shtuara sigurie nga Policia e Shtetit, e cila ka blinduar perimetrin përreth Parlamentit, ndërsa protestuesit dëgjohen duke brohoritur: “Nuk na përfaqësoni!”.
Për të garantuar sigurinë, policia ka vendosur gardh metalik që nga kryqëzimi i Rrugës së Elbasanit, duke mos lejuar kalimin e automjeteve dhe qytetarëve në këtë segment.
Krahasuar me protestat e mëparshme, këtë herë është zgjeruar edhe perimetri i sigurisë përreth godinës së Kuvendit.