Ndërsa në Kuvend ka nisur seanca plenare, jashtë godinës protestuesit vijojnë tubimin, duke qëlluar me vezë dhe shishe me ujë në drejtim të kordonit të Policisë.
Pas efektivëve ndodhet edhe autoboti me ujë, i cili është në lëvizje, por deri në këto momente nuk ka ndërhyrë.
Më herët, protesta u përshkallëzua pasi protestuesit hodhën vezë dhe domate ndaj forcave të rendit. Në përgjigje, policia përdori ujë dhe gaz lotsjellës për të shpërndarë turmën dhe për të rikthyer kontrollin e situatës.