Kryeministri Edi Rama ka mbërritur në ambientet e Kuvendit të Shqipërisë, në një kohë kur seanca plenare po zhvillohet mes tensioneve dhe ndërprerjeve të njëpasnjëshme.
Automjeti i kreut të qeverisë, i shoqëruar nga dy mjete të tjera, është futur në oborrin e Kuvendit, ndërsa në sallën e seancave vijojnë përplasjet mes mazhorancës dhe opozitës.
Punimet parlamentare janë bllokuar pasi deputetët e Partisë Demokratike kanë zënë foltoren, duke pamundësuar vijimin normal të seancës. Situata mbetet e tensionuar si brenda Kuvendit, ashtu edhe jashtë tij, ku vijon protesta e organizuar para godinës.