Policia e Fierit dhe forcat speciale RENEA vijojnë operacionin për kapjen e 35-vjeçarit Refit Buzi, i dyshuar për vrasjen e ish-vjehrrit dhe plagosjen e ish-vjehrrës së tij në fshatin Vidhisht, në Roskovec.
Sipas informacioneve paraprake, ai është izoluar brenda automjetit të tij në kodrat e zonës së Kurjanit, ku po refuzon të dorëzohet dhe ka kërcënuar se do të vetëvritet nëse forcat e RENEA-s nuk largohen.
Më herët gjatë ditës, 35-vjeçari dyshohet se ekzekutoi me armë gjahu ish-vjehrrin, plagosi ish-vjehrrën dhe mori peng për disa orë ish-partneren e tij.
E reja është liruar më pas dhe, sipas të dhënave paraprake, ka pësuar disa goditje me grushte në pjesën e shpinës.
Forcat e Policisë dhe RENEA-s vijojnë negociatat në terren, ndërsa operacioni për bindjen dhe dorëzimin e autorit të dyshuar është ende në zhvillim.