Kryeministri Edi Rama deklaroi se ligji për zonat e mbrojtura do të harmonizohet plotësisht me direktivat e Bashkimit Evropian, duke theksuar se asnjë dispozitë nuk do të miratohet pa dakordësinë e Komisionit Evropian.
Në fjalën e tij, Rama u ndal edhe te debatet që kanë shoqëruar këtë projektligj, duke thënë se ai është përdorur si argument për protestat e fundit, madje edhe nga disa eurodeputetë.
“Ligji për zonat e mbrojtura, që përdoret si benzinë për zjarrin e protestës, përfshirë edhe nga eurodeputetë, do të skanohet një për një për ta përputhur 100% me direktivat e Bashkimit Evropian. Asgjë nuk do të kalojë pa miratimin e Komisionit”, u shpreh Rama.