Në fund të fjalës e tij, Rama theksoi se objektivi kryesor i kësaj faze është që qytetarët të mos ndihen më të padëgjuar apo të papërfillur nga institucionet, duke e konsideruar këtë si kthesën që i nevojitet qeverisjes.
Në përfundim të mbledhjes, ai u shpërndau të pranishmëve dokumentin “Besa”, për të cilin tha se përmban qasjen e re të Partisë Socialiste për të forcuar besimin e qytetarëve dhe për ta shndërruar projektin Rilindja 2.0 në një përvojë të re qeverisëse.
“Besimi nuk vritet me një krisëm, largohet kur trazohet uji, nuk kthehet me një thirrje, por vetëm kur gjen ujin miqësor.
Puna e mandatit të katërt është të mbledhim nga të gjitha burimet ujin e trazuar të besimit dhe ta bëjmë këtë me empati dhe flamingot do kthehen. Rilindja 2.0 është emri që ne i vumë ciklit të ri politik, Besa është metoda për ta kthyer atë cikël në një përvojë të re për qytetarët e Shqipërisë”, tha Rama.