Një zjarr i fuqishëm ka përfshirë në orët e para të mëngjesit të kësaj të hëne një zonë kodrinore në hyrje të Ksamilit.
Sipas informacioneve paraprake, flakët shpërthyen rreth orës 04:50 pranë një resorti në zonë, duke bërë që shërbimet zjarrfikëse të nisen menjëherë drejt vendngjarjes.
Ekipet e zjarrfikësve po punojnë për izolimin dhe shuarjen e zjarrit, ndërsa deri tani nuk raportohet për persona të lënduar apo dëme në objekte.
Shkaqet e rënies së zjarrit mbeten ende të paqarta. Autoritetet pritet të kryejnë verifikimet përkatëse pasi vatra të neutralizohet plotësisht.