Shqipëria luan sot ndeshjen e tretë zyrtare kualifikuese për në Europianin e vitit të ardhshëm ku përballë ka Vikingët e Islandës. Të besuarit e Edi Rejës do të synojnë të lënë pas periudhën e errët të Panuçit dhe të marrin rezultatin e dytë pozitiv radhazi për të rikthyer shpresën për një kualifikim të mundshëm.
Sa i përket formacioneve, Reja debuton me eksperiment duke e konfirmuar 3-5-2 e tij me Dermakun, Ismajlin dhe Veselin në qendër të mbrojtjes ndërkohë që në krahë janë të vendosur Hysaj dhe Lenjani. Qendra e mesfushës përbëhet nga Basha e Xhaka ndërkohë që Abrashi qëndron para mbrojtjes. Sulmi i është besuar dyshes Cikalleshi-Balaj.
Formacionet:
Islanda: Haldorson, Skulason, Arnason, R.Sigurdson, Hermanson, Sigurnjson, Bjarnason, Gunarson, Gudmundson, G.Sigurdson, Kjartanson.
Trajner. Erik Hamren
Shqipëria: Berisha, Dermaku, Ismajli, Veseli, Hysaj, Abrashi, Basha, Xhaka, Lenjani, Cikalleshi, Balaj.
Trajner. Edoardo Reja
Arbitra: Bobi Maden – Daglas Ros, Dejvid Rum – Donald Robertson
