Mbrëmjen e djeshme si çdo të premte, në ekranin e ‘Tv Klan’ u transmetua ‘Zonë e lirë’. Përveç të ftuarve, ajo çfarë ka tërhequr vëmendje tek publiku ka qenë dhe pamja e Arjan Çanit. Siç nuk e kemi parë ndonjëherë, ai është shfaqur në emision me mjekër. “Mos e kruj me gjermonin”, i ka thënë me shaka Dj Cherri, ndërsa përgjigja e Çanit nuk ka vonuar shumë.
Ai ka shpjeguar për publikun se arsyeja pse nuk e ka hequr mjekrën është sepse kishte mbetur 11 orë pa ujë dhe pa drita. “Po, po, mos u krruj me gjermonin sepse mund të të ndodhë si mua, 11 orë pa ujë, pa drita. Mund të mbetesh edhe pa rruar, siç mbeta unë. U kërkoj ndjesë të gjithëve ju që nuk e keni qejf mjekrën, por kështu është kur mbetesh 11 orë pa ujë pa drita”, ka thënë ai. Arjani është një nga personazhet që njihet për karakterin e tij të drejtpërdrejtë dhe mund të themi edhe kjo përgjigje ishte e tillë.
