Një incident i pakëndshëm i ka ndodhur ish-drejtorit sportiv Igli Tare gjatë kthimit nga Milano për në Romë, pasi mori pjesë në funeralin e legjendës së futbollit Franco Baresi.
Sipas raportimeve të publikuara në rrjetet sociale, Tare u bë objekt i një vjedhjeje gjatë udhëtimit me tren. Një person i panjohur dyshohet se përfitoi nga një moment pakujdesie për t’i marrë çantën personale, në të cilën ndodheshin sende me vlerë dhe dokumente të rëndësishme.
Menjëherë pas mbërritjes në stacionin Termini në Romë, Tare denoncoi rastin pranë autoriteteve.
Sipas të njëjtave raportime, policia ndërhyri menjëherë, arriti të identifikojë dhe të ndalojë autorin e dyshuar të vjedhjes, ndërsa çanta iu rikthye Tares pak minuta më vonë.