Një vatër zjarri është aktivizuar mesditën e kësaj të mërkure në zonën e fshatit Penkovë, në Bashkinë e Selenicës.
Sipas informacioneve paraprake, flakët kanë shpërthyer fillimisht në një pyll me pisha dhe, të favorizuara nga era, janë përhapur me shpejtësi, duke përfshirë pjesërisht edhe një varrezë automjetesh pranë zonës.
Menjëherë pas marrjes së njoftimit, në vendngjarje janë angazhuar forcat e shërbimit zjarrfikës, të cilat po punojnë për izolimin e vatrës dhe shmangien e përhapjes së flakëve në sipërfaqe të tjera.
Deri më tani nuk raportohen persona të lënduar. Autoritetet pritet të kryejnë vlerësimin e dëmeve, ndërsa shkaku i zjarrit mbetet ende i paqartë.