Italia është vendi me shoferët më agresivë, sipas një sondazhi global të publikuar së fundmi nga platforma e qirasë së makinave DiscoverCars.com.
23% e të anketuarve thanë se kishin përjetuar sjellje agresive ose të pakujdesshme në rrugët italiane. Në vendin e dytë renditet Mbretëria e Bashkuar me 11%, ndërsa SHBA-ja është e treta me 9%.
Franca dhe Australia pasojnë me nga 5%, ndërsa Spanja dhe Turqia ndajnë vendin e pestë me nga 4%.
Sjellja që bezdis më shumë shoferët është mosdhënia e sinjalit gjatë kthesave, e raportuar nga 56% e të anketuarve. Më pas vijnë shpejtësia e tepërt me 46%, ngasja ngadalë në korsinë e parakalimit me 43% dhe frenimi i papritur me 20%.
Por cilat vende konsiderohen më të sjellshme? Japonia kryeson listën, e ndjekur nga Kanadaja dhe Mbretëria e Bashkuar.
Në një sondazh tjetër, Brazili dhe Kili e konsideruan veten kombet më të sjellshme, me një vlerësim mesatar prej 9.46/10.