Të paktën katër persona kanë humbur jetën dhe pesë të tjerë janë plagosur në Japoninë lindore, ndërsa reshjet rekord të shiut goditën prefekturën Chiba pranë kryeqytetit Tokio.
Reshjet, të cilat autoritetet i kanë përshkruar si “të paprecedenta”, ndërprenë energjinë elektrike për më shumë se 20,000 familje, ndërsa 7,000 udhëtarë mbetën të bllokuar gjatë natës në aeroportin Narita të Tokios.
Më shumë se 100,000 familjeve iu kerkua të evakuoheshin pasi shiu shkaktoi rrëshqitje toke dhe ndërprerje të energjisë elektrike.
Autoritetet lokale lëshuan një paralajmërim emergjence të nivelit pesë, alarmi i tyre më i lartë.
Ky paralajmërim u ul në nivelin katër të premten në mëngjes, por ka ende rrezik për rrëshqitje dheu dhe përmbytje.
Agjencia Meteorologjike e Japonisë tha se kjo situatë ndodhi si pasojë e përplasjes së ajrit të ngrohtë dhe të lagësht në lindje të vendit me ajrin e ftohtë, duke i bërë kushtet atmosferike jashtëzakonisht të paqëndrueshme.
Më herët këtë javë, Japonia, Filipinet dhe Kina u goditën nga stuhitë e njëpasnjëshme Dolphin, Chan-Hom dhe Peilou që përshkuan rajonin në të njëjtën