Një aksident ujor ka ndodhur në Liqenin e Komanit, në afërsi të Lumit të Shalës, ku 2 skafe janë përplasur me njëri-tjetrin.
Mësohet se nga aksidenti i rëndë në zonën turistike kanë mbetur të plagosur disa persona.
Nga burimet fillestare mësohet se ata janë jashtë rrezikut për jetën, ndërkohë Policia dhe Ambulanca kanë shkuar në vendngjarje për sqarimin e plotë të rrethanave të rastit.
Dy mjetet lundruese ishin nisur nga Komani në drejtim të Lumit të Shalës.