Rama ndan detyrat. Në një përmbledhje të retreatit 2-ditor në Pogradec, kryeministri i Shqipërisë zbulon se si do të operojnë kabineti, grupi parlamentar dhe partia socialiste me dokumentin BESA në të ardhmen, duke patur prioritet shqetësimet e çdo qytetari.
“Fiksimi jonë, duhet të jetë shqetësimi i çdo qytetari, prandaj drejtuesve politikë duhet tu japim fuqi që të ndjekin territorin aty, dhe ministrave do tu duhet tu japim detyrimin që çdo muaj të ndjekin vetë personalisht gjithë drejtoritë, Nqs është një grup deputetësh që fokusohen bashkë dhe i marrin në analizë bashkë atëherë ndryshojnë gjërat”, tha Rama.
Po ashtu, Rama ka zbuluar edhe disa prej propozimeve të ministrave apo drejtuesve politik për dokumentin Besa. Nga Njësia “BESA” në çdo ministri, tek sistemi kombëtar “BESA” për 12 qarqet e vendit.
Në takimin 2-ditor në Pogradec, Rama shpalli vizionin për Shqipërinë Sociale, nga ku doli edhe një platformë dixhitale me emrin Pasqyra Albania e cila e ndarë në dy seksione, Flamingo Mirror dhe Radar do të përpunojë çdo ankesë të qytetarëve për administratën publike, dhe zgjidhjen e problemeve brenda 2 javësh. Pas protestave ne bulevard, kryeministri synon nje model te ri qeverises, me prioritet qytetarin, zgjidhjen e problemeve dhe marrjen e sherbimeve publike sa me shpejt.