Një i burgosur ka ndërruar jetë këtë 26 gusht në Institucionin e Ekzekutimit të Vendimeve Penale (IEVP) në Fier.
Bëhet fjalë për Ardian Malasin, i cili ishte dënuar me 8 vite heqje lirie. Dyshohet se Malasi ka pësuar hemorragji cerebrale.
Ardian Malasi ishte dënuar për veprën penale “Pastrim i produktit të veprës penale së veprimtarisë kriminale”, kryer në formën e bashkëpunimit të veçantë në kuadër të grupit të strukturuar kriminal.
Vendimi ndaj tij kishte marrë formë të prerë më 1 qershor 2026. Malasi ishte arrestuar më 26 tetor 2023.
Ai ishte transferuar nga burgu “Jordan Misja” në Tiranë në IEVP Fier më 16 korrik 2026. Sipas të dhënave, deri në momentin e ndarjes nga jeta kishte vuajtur 4 vite, 1 muaj e 18 ditë burg, ndërsa i kishin mbetur për të shlyer edhe 3 vite, 10 muaj e 12 ditë.
Malasi ishte dënuar si pjesë e një grupi të akuzuar për pastrimin e parave të kokainës në Belgjikë.