Një aksident me pasojë vdekjen e një personi është regjistruar mëngjesin e sotme në aksin rrugor Gosë-Vilbashtovë.
Në informacionin paraprak të dhënë nga policia, sqarohet se ngjarja ka ndodhur rreth orës 09:05 teksa një automjet është përplasur me një motor. Për pasojë, ka ndërruar jetë drejtuesi i motorit.
Sakaq, hetimet po vijojnë për dokumentin e plotë të rrethanave të rastit.
“Rreth orës 09:05, në aksin rrugor Gose–Vilbashtovë, Kavajë, një automjet me drejtues shtetasin C. N. është përplasur me një motomjet. Si pasojë e aksidentit, ka humbur jetën drejtuesi i motomjetit, shtetasi L. A., 49 vjeç. Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit”, njofton policia.