Në pritje të vendimit të Kolegjit Penal të Gjykatës së Lartë për vazhdimin ose jo të paraburgimit të kryebashkiakut të Tiranës, me bindje se tashmë masa e sigurimit “arrest në burg” duhet të zëvendësohet, po kujtoj të interesuarit OPINIONIN e botuar shumë kohë më parë për një qëndrim ndryshe që duhet mbajtur.
Tashmë që Gjykatat janë të detyruara të zbatojnë edhe qëndrimin Unifikues të Kolegjeve të Bashkuara të Gjykatës së Lartë, pritet jo vetëm sot për z. Veliaj, por edhe për të paraburgosurit e tjerë, të ketë një balancë më të drejtë mes interesit publik dhe nevojave për hetimin e gjykimin e çështjeve, me prezencën e të pandehurve dhe të drejtave të këtyre të fundit për lirinë personale dhe prezumimin e pafajësisë.