Presidenti i Republikës, Bajram Begaj, ka dekretuar sot shkarkimin e Besfort Lamallarit nga detyra e ministrit të Punëve të Brendshme.
Në vend të tij është emëruar Ervin Demo, i cili po ashtu ka marrë dritën jeshile nga kreu i shtetit, duke u dekretuar si pasues i Lamallarit në Ministrinë e Brendshme.
Tashmë, pas këtij hapi, Demo pritet të bëjë betimin para kreut të shtetit dhe më pas do votohet në Kuvend për të nisur zyrtarisht detyrën.
Ndërkohë Besfort Lamallari, do jetë pjesë e stafit të kryeministrit, lajm të cilin e ka konfimuar vetë Rama ditën që lajmëroi ndryshimet në qeveri.