Kryeministri Edi Rama ka reaguar për situatën e krijuar gjatë protestave, duke deklaruar se në çdo tre të lënduar, një është efektiv policie.
Ai theksoi se Policia e Shtetit është në mbrojtje dhe paralajmëroi se dhuna nuk do të lejohet të imponohet ndaj institucioneve dhe funksionimit normal të tyre.
“Në vendet e tjera ka shumë më pak policë të plagosur se sa protestues, në Shqipëri është raporti i përmbysur. Në çdo 3 të lënduar një është polic, duke përfshirë protestues dhe një kalimtar. Pra jemi totalisht në mbrojtje si shtet, policia është në mbrojtje. Kush ankohet se ishte atje paqësisht, duhet të distancohet, sepse policia nuk hyn atje për të bërë balet. Kush rri është me ata, nuk është me protestën e qetë. Pjesëmarrja në mbulim do të jetë një konflikt me ligjin. Për fat të mirë sot nuk jemi vetëm, është e gjithë Europa demokratike nën këtë sulm, Shqipëria është pjesë e saj. Tani i kemi edhe shembujt, kemi pritur që t’i bëjnë ata më parë. Nuk ka asnjë shans në asnjë formë që dhuna dhe trysnia demokratike t’i imponohet vendit, institucioneve dhe punës e funksionimit tuaj normal”, tha Rama.