Kryeministri Edi Rama është shprehur në mbledhjen e kryesisë se vendimi i Metës ishte i pritshëm. Burime brenda selisë rozë bëjnë të ditur se kreu i socialistëve tha se në seancën plenare të së enjtes do të finalizohet me rezolutë për shkarkimin e Presidentit.
“Vendimi i presidentit ishte i pritshem! Ne jemi republike parlamentare, jo presidenciale. Nda j asgje sna ndal te vijojme perpara me 30 qershorin. Te enjten debat shume i gjate parlamentar. Te shpalosim te gjitha argumentat kunder ketij vendimi te presidentit. E enjtja do te finalizohet me rezolute per shkarkimin e presidentit. Duhet te fokusohemi n 30 qershor. Jemi ne mes te lojes. Pas debatit ceshtja diskutohet ne KQZ e me pas do kaloje ne kolegj. Fokusi jone 30 qershori.” -mësohet të jetë shprehur Rama.
Ndërkohë në postimin e tij në Facebook të prononcimit të Elisa Spiropalit, Rama shkruan mes të tjerash: “…vendimi për të iniciuar procedurën parlamentare të shkarkimit të Ilir Metës, për shkeljen e patolerueshme të Kushtetutës përmes ndërhyrjes brutale në procesin zgjedhor!”.