Kosova luan sot një tjetër takim delikat duke qenë se e pret Bullgaria në një transfertë mjaft të vështirë e cila është shoqëruar me probleme edhe gjatë stërvitjes. Tifozët bullgarë janë shfaqur jo pak racistë duke përdorur edhe koret “vdekje shqiptarëve” megjithëse ky pretendim u hodh poshtë nga Federata e Futbollit e Kosovës.
Dardanët synojnë që të marrin fitoren e parë në këto kualifikuese duke qenë se numëron deri më tani 2 barazime ku ashtu si në ndeshjen e parë pikërisht ndaj bullgarëve, edhe ndaj Malit të Zi barazoi 1-1. Një fitore e mundshme sot, e largon Kosovën nga vendi i katërt duke bërë që të afrohet më shumë me kreun.
Kosova do të duhet të bëjë sot pa yllin e saj, Arbër Zeneli i cili u dëmtua pak ditë më parë ndaj Malit të Zi dhe i duhet të qëndrojë 9 muaj larg fushave të blerta, ndërkohë që pjesa tjetër e grumbulluar, paraqitet në gjendje të mirë fizike.