Presidenti i Republikës, Bajram Begaj, ka nisur konsultimet me përfaqësuesit e partive politike për zgjedhjet vendore.
Takimet po zhvillohen në Pallatin e Brigadave, ku pjesë e konsultimeve ishte edhe kreu i Grupit Parlamentar të Partisë Socialiste, Taulant Balla.
Pas përfundimit të takimit me Presidentin Begaj, Taulant Balla është larguar nga Pallati i Brigadave.
Ndërkohë, në ambientet e Presidencës ka mbërritur për të marrë pjesë në konsultime edhe Partia Socialdemokrate (PSD).
Konsultimet e kreut të shtetit me partitë politike janë pjesë e procesit për përcaktimin e datës së zgjedhjeve të ardhshme vendore.