Ish-banori i “Big Brother VIP”, Fation Kuqari, zbuloi një ditë më parë se ka nisur një romancë të re, duke ndarë në rrjetet sociale disa momente romantike me partneren e tij.
Megjithatë, ai zgjodhi të mos zbulonte identitetin e vajzës, duke mbuluar portretin e saj me emoji dhe duke ruajtur kështu pak mister rreth jetës së tij private.
Por duket se misteri nuk zgjati shumë! Vajza që ka fituar zemrën e Fationit quhet Bela dhe, përveçse njihet si modele, duket se është edhe e përfshirë në sipërmarrjen e ish-banorit.
Ajo shfaqet në disa prej postimeve që lidhen me aktivitetin e tij, çka tregon se dyshja mund të ndajnë jo vetëm jetën sentimentale, por edhe angazhime të përbashkëta profesionale.
Fationi duket se ka zgjedhur ta ndajë këtë histori të re me ndjekësit, por pa zbuluar ende shumë detaje.
Ndërkohë, mbetet për t’u parë nëse në ditët në vijim do të ndajë më shumë momente me Belën dhe do ta bëjë romancën e tyre edhe më publike.
