Spears skena pasionante, me partnerin 12 vjet më të vogël

Britney Spears, e cila ka pak kohë që ka dalë nga spitali psikiatrik, është fotografuar të dielën përkrah partnerit të saj teksa po shijonte disa ditë pushimi në një jaht luksoz në Miami.

Spears dhe Sam Asgfari, tepër të dashuruar me njëri-tjetrin, në një moment duket se kanë rikrijuar skenën e famshme të filmit “Titanic”. E teksa për pak çaste janë vendosur në rolet e personazheve kryesorë, Jack dhe Rose, 37-vjeçares dhe 25-vjeçarit u lexohet qartazi lumturia. Çifti i njohur nuk ka ngurruar as të shkëmbejë puthje pasionante.

Princesha e popit dhe Sam Asgfari gjenden në një lidhje dashurie prej gati dy vitesh. Duhet thënë se bukuroshi 25-vjeçar ka qenë një mbështetje tepër e madhe për Spears gjatë periudhës që pësoi lëkundje të forta emocionale, për shkak të përkeqësimit shëndetësor të të atit.