Close Menu
Tirana News AlbaniaTirana News Albania
  • Kreu
  • Aktualitet
    • Politikë
    • Kronikë
    • Rajon&Bota
    • Ekonomi
  • Lifestyle
    • Shëndeti
    • ShowBiz
    • Horoskopi
    • Kulinari
  • OPED
  • Vendi Im
  • Gjurmë
  • Teknologji
  • Sporti
Facebook Instagram
  • Kontakt
  • Politikat e privatesise
Facebook Instagram
Tirana News AlbaniaTirana News Albania
  • Kreu
  • Aktualitet
    • Politikë
    • Kronikë
    • Rajon&Bota
    • Ekonomi
  • Lifestyle
    • Shëndeti
    • ShowBiz
    • Horoskopi
    • Kulinari
  • OPED
  • Vendi Im
  • Gjurmë
  • Teknologji
  • Sporti
Abonohu
Tirana News AlbaniaTirana News Albania
Kryesore

Kate dhe William shkëlqejnë në Mumbai/ Princesha mahnit me bizhuteritë e Mbretëreshës Elizabeth dhe veshjen tradicionale indiane

22:21 / November 17, 20263 Mins Read
Facebook LinkedIn Email WhatsApp
kate midletton
Share
Facebook LinkedIn Email WhatsApp

Princi William dhe Princesha Kate kanë tërhequr gjithë vëmendjen në Mumbai të Indisë, ku u shfaqën së bashku në tapetin e gjelbër të ceremonisë prestigjioze të ndarjes së çmimeve “Earthshot Prize”, një nismë e themeluar nga trashëgimtari i fronit britanik për mbrojtjen e mjedisit.

Çifti mbretëror u shfaq mes një parade yjesh të kinemasë, muzikës dhe sportit, në një mbrëmje madhështore që mblodhi rreth 5 mijë të ftuar në Jio World Convention Centre, raporton Daily Mail.

Kate tërhoqi vëmendjen me një veshje tradicionale indiane të stilit Anarkali, krijim i stilistes Mahima Mahajan, e realizuar me mëndafsh të punuar me dorë, detaje të arta tradicionale dhe qëndisje delikate. Veshja në ngjyrë të kuqe të thellë ishte një homazh për kulturën dhe modën indiane.

image 20

Por ajo që e bëri paraqitjen e princeshës edhe më të veçantë ishte zgjedhja e aksesorëve. Kate mbante gjerdanin me diamante dhe smeralde, së bashku me vathët përkatës, që i përkisnin Mbretëreshës së ndjerë Elizabeth II.

image 21

Ndërkohë, Princi William kishte zgjedhur një xhaketë tradicionale indiane Bandhgala, të krijuar nga stilisti i njohur Manish Malhotra, me kopsa të qëndisura me dorë.

Çifti u fotografua i përqafuar në tapetin e gjelbër, ndërsa William mbante dorën rreth belit të Kate. Ata ndaluan për fotografët përpara se të takonin kryeministrin e shtetit të Maharashtra, Devendra Fadnavis.

Ceremonia mblodhi emra të njohur ndërkombëtarë, mes tyre aktorin Rami Malek, yllin e kriketit Sachin Tendulkar, aktoret Alia Bhatt dhe Sonam Kapoor, si dhe Simone Ashley, e njohur nga seriali “Bridgerton”.

Mbrëmjen e shoqëruan performanca muzikore nga grupi britanik Take That, i cili performoi për herë të parë në Indi, si dhe këngëtarja indiane Shreya Ghoshal. Ceremonia u prezantua nga regjisori dhe moderatori Karan Johar.

Aktori Rami Malek foli me superlativa për Princin William, duke e cilësuar si një njeri të thjeshtë, por me një përkushtim të jashtëzakonshëm ndaj mjedisit.

Përveç paraqitjes elegante, Princesha Kate mori edhe një rol të rëndësishëm gjatë ceremonisë, duke prezantuar çmimin në kategorinë “Restore Nature”, të cilin e fitoi një projekt nga Butani.

Në fjalimin e saj, ajo theksoi rëndësinë e mbrojtjes së natyrës dhe lidhjen e pandashme mes shëndetit të planetit dhe mirëqenies së njerëzimit.

“Natyra është e çmuar. Ne nuk jemi të ndarë prej saj, por jemi pjesë e saj”, u shpreh princesha, duke paralajmëruar se shumë specie dhe habitate natyrore janë ende nën kërcënim.

Ndërkohë, William pritet të theksojë në fjalimin e tij se ndryshimi për një planet më të shëndetshëm është i mundur dhe se brezi i ri po sjell zgjidhje konkrete për sfidat mjedisore.

Vizita treditore në Indi ka rezervuar edhe momente më të veçanta për çiftin mbretëror. Gjatë ditës, William provoi të drejtonte një rikshau elektrik në shëtitoren bregdetare të Mumbait, ndërsa Kate udhëtoi në sediljen e pasagjerit.

image 22

Princi e përshkroi eksperiencën si shumë argëtuese dhe vlerësoi teknologjinë e automjetit, duke bërë edhe shaka me drejtuesit e kompanisë se nuk e kishte aksidentuar mjetin.

Automjeti është prodhuar nga Mahindra Last Mile Mobility, një prej finalistëve të çmimit Earthshot, që synon të kontribuojë në uljen e ndotjes së ajrit përmes transportit elektrik.

Gjatë vizitës, William dhe Kate morën pjesë gjithashtu në edicionin e parë të çmimeve “Children’s Earthshot”, ku u vlerësuan fëmijë dhe të rinj që kanë krijuar zgjidhje inovative për problemet mjedisore në komunitetet e tyre.

image 23

Share. Facebook Twitter Pinterest LinkedIn Email WhatsApp

Postime te ngjashme

FBI jep alarmin për sulme kibernetike në mbarë botën

21:18 / November 17, 2026

Trump me deklaratë të fortë: Irani do paguajë një çmim që asnjë vend nuk e ka paguar ndonjëherë…

20:58 / November 17, 2026

Dyshohet se do kryenin sulm terrorist në Greqi, 4 prej të arrestuarve janë shqiptarë, do vrisnin biznesmenin e kompanisë izraelite

20:38 / November 17, 2026

Rama fton Japoninë të investojë në hekurudhën Durrës-Prishtinë: Projekt strategjik me rëndësi edhe për NATO-n

19:24 / November 17, 2026
Add A Comment
Leave A Reply Cancel Reply

This site uses Akismet to reduce spam. Learn how your comment data is processed.

© 2026 TiranaNews. Te gjitha te drejtat e rezervuara.
  • Kontakt
  • Politikat e privatesise

Type above and press Enter to search. Press Esc to cancel.