Botuesi i gazetës Koha Jonë Nikoll Lesi shprehet se me vendimin e tij për anulimin e zgjedhjeve, Meta shmangu një përplasje dhe konflikt që do të ishte si ai i vitit 1997.
I ftuar në emisionin Open, Lesi tha se me këtë vendim Meta i dha Ramës një varkë shpëtimi, pasi i dha një mundësi për reflektim duke anuluar datën e zgjedhjeve, për të cilën Rama shprehej se nuk e shtynte dot. Mirëpo sipas Nikoll Lesit pavarësisht mundësisë që i dha Meta, Rama nuk pranoi dhe iu përgjigj ashpër nga Berati.
‘Meta shmangu përplasjen dhe konfliktin si ai që provuam në ’97. Përplasja do të ishte shumë e dhunshme, e shmangëm. Ky vendim është në favor të Ramës pasi kemi bërë debate dhe me analistë se është varkë shpëtimi për Ramën. Ai ka shkruajtur sa letra dhe Meta i dha një varkë shpëtimi meqë ai thoshte se nuk e shtyjmë dot datën, ky ia dha mundësinë’, shprehet Nikoll Lesi.