Eva Sana është një e re e cila ka rrezikuar për të pasur biznesin e saj. Në dyert e atelies që ndodhet në tiranë , EVA SANA vesh vipat e Shqipërisë nën logon e biznesit të saj. Në intervistën me zonjushën do kuptoni, forcën e një femre për tja dalur vet në jetë dhe në biznes.
- Kush eshte Eva Sana?
Kam lindur dhe jam rritur ne qytetin e Burrelit, ku kam perfundur dhe arsimin e mesem, per te vijuar me tej studimet e mia te larta ne Tirane, ne Institutin 3 vjecar te modes SIPAM AB. Pas perfundimit te studimeve, kam hapur atelien time ne te cilen vazhdoj e punoj edhe sot e kesaj dite.
- 2. Ne cfare moshe I ke filluar stilimet e para?
Stilimet e mia te para, nese mund ti quaj te tilla, jo profesionale sigurisht, I kam filluar qe kur isha femije, ku me mbetjet e copave nga puna e mamasa time, arrita te realizoj nje veshje fund dhe kanatiere per motren time 5 vjecare. Mbaj mend qe nga mungesa e copes, ne pjesen e shpines, mbizoteronin rripat e holle nga fillimi ne fund per te mbuluar lakuriqsine, dhe fundit per ti dhene gjatesine e duhur, I kisha vene nje frute te kuqe rreth,e gjitha kjo e qepur me dore, duke qene se isha vetem 9 vjec dhe nuk mund te menaxhoja sic duhet makinen qepese.
- 3. Cila ka qene ajo veshje qe ke stiluar dhe prere per here te pare?
Ketu mund te flas me eksperiencen time te pare profesionale dhe te realizuar teknikisht sipas metodave te prerjes dhe qepjes. Isha studente ne vitin e pare , nderkohe nje mikesha ime ne ate kohe ishte maturante dhe me vjen me nje foto te fustanit qe preferonte te vishte ne mbremjen e saj te matures.Ishte nje model qe vertet kerkonte perkushtim, nje fustan i gjithi me fruta tutu ne pjesen e poshtme, te vendosura ne menyre te crregullt, i zgjatur nga mbrapa, dhe ne pjesen e bustit i gjithi i punuar me dore, me gure te vegjel dhe perla. Sic mund edhe ta imagjinoni, ishte nje sfide per mua per te guxuar me nje model te tille, mirepo pas disa dite pune te perkushtuar ja dola me shume sukses. Ky fustan mbetet edhe sot ne shijet e modes.
- 4. Si te lindi deshira per te qene stiliste?
Deshira per tu bere stiliste ka ardhur si nje frymezim nga ime më. Ajo prej 40 vjetesh tashme zoteron kete profesion. Une isha fare e vogel kur ne ambjentin e punes se saj, sajoja veshje per kukullat e mia. Te shikoja sesi nje cope pa kurrefare kuptimi te kthehej ne nje veshje, mua me dukej art, ndaj jam rritur me kete passion dhe nuk ka qene e veshtire per te vendosur per te ardhmen time profesionale, dhe per kete jam shume e lumtur dhe teper mirenjohese mamase time qe e falenderoj pafund.
- 5. Kane trokitur vipat ne Atelien e Eva Sanes, dhe emrat e tyre?
Atelieja ime ka qene gjithmone shume mikpritese per kedo, si njerez te thjeshte ashtu edhe per VIPat. Sigurisht qe eshte kenaqesi qe pjese te punes tende te kesh personazhe te njohur public,aq me teper kur behet fjale per njerez me zemer te madhe si Erisa Xhixho,Xhensila Myrtezaj, Anxhela Peristeri,Era Rusi,Olta Boka,Kesji Tola,Ingrid Gjoni etj.
- 6. Cili ka qene fustani ose veshja me e shtrenjte qe ke realizuar?
Ketu mund te permend shume, por do doja te ndalesha tek nje fustan qe kam realizuar per dyqanin tim, Sanastore-Fustane me qera, behet fjale per nje cope qe kap vleren 1000 dollar, eshte e gjitha punim dore, nje nderthurje fantastike e ngjyrave te tokes, e artit te qendisjes me gure dhe perla te madhesive te ndryshme. Qepja e fustanit eshte bere e gjitha me dore, duke qene se fortesia dhe dendesia e gureve e benin te pamundur procesin e qepjes me makine, sic mund te kuptohet kjo pune ka kerkuar shume kohe, ama rezlutati ne fund ka qene fantastic.
- 7. Si mund te te gjejne ty?
Fare thjeshte, ne adresen time te instagramit, Atelie_eva.sana , ku mund te komunikojme bashke per cdo pyetje qe mund te keni.
Anduena SEFGJINI