Në fjalën e tij në Kuvend për vendimin e kreut të shtetit për shtyrjen e zgjedhjeve, kryeministri Edi Rama ka zgjedhur të flasë personalisht për Ilir Metën, dhe jo për Presidentin. Edhe “mbret” të ishte do ishte i pangopshëm.
“Çfarë kërkon Ilir Meta më shumë nga Shqipëria? Pa mbushur ende 50 vjeç e ka bërë si askush tjetër edhe kryeministër, dhe kryetar Kuvendi dhe president i Republikës. Kujt përpara Ilir Metës i takon të pyesë veten çfarë mund të bëjë që ti’a lajë sa më pak Shqipërisë detin me borxhe që i ka, që duhet t’ia lajë sa më pak shqiptarëve pa dallim lumin me borxhe që u ka, që tu lajë sadopak socialistëve borxhet e të gjitha rasteve kur i ka mbështetur, me ka toleruar për zararet e mia…”, ka nisur Rama fjalimin tij duke u shprehur se sot deputetët në Parlament duhet të ishin të gjithë bashkë.
Ai thotë se në historinë e shtetit shqiptar nuk gjen një politikan të dytë me të cilin Shqipëria ka qenë kaq zemërgjerë dhe sipas Ramës: “sepse Iliri është mësuar keq, si s’ka më keq”.