Sot është një ditë gëzimi për familjen e Sidrit Bejlerit, sepse këngëtari është bërë sërish baba. Sidriti ka treguar se bashkëshortja e tij Meri ka lindur një vajzë, e cila ka ardhur në jetë e shëndetshme. Artisti ka publikuar në ‘Instagram’ një foto të dorës së vogëlushes dhe një tullumbace në ngjyrë rozë që lexon “vajzë”. Përkrah fotove Bejleri ka shkruar disa fjalë shumë emocionuese, që vetëm një prind mund t’i kuptoj. “Sot u pasuruam me një dhuratë tjetër të paçmuar nga krijuesi. Mirëserdhe mes nesh zemra jonë më e vogël! Falenderimet për Zotin e Gjithësisë”, ka shkruar Bejleri.
Pas këtij postimi urimet nga ana e miqve dhe personave të afërt të tij ishin të shumta. Kujtojmë se Sidriti është baba edhe i dy fëmijëve, një djali Amad dhe një vajze të quajtur Emel.