Aleksandër Meksi ka qenë kryeministër në vitin e mbrapshtë 1997 kur dhe nisën trazirat që cuan në një luftë civile në vend.
Si një politikan me eksperiencë dhe me një detyrë të rëndësishme në atë kohë, Meksi komenton për Ora News situatën aktuale politike në vend. Ai ka dalë në krahë të kreut të shtetit Ilir Meta për dekretin e tij për anulimin e zgjedhjeve të 30 qershorit.
“Një vendim që botohet në fletoren zyrtare duhet të zbatohet detyrimisht. Politikanët duhet të bëjnë politikë dhe të zgjidhin krizën”- ka thene Meksi, sipas Ora News.
Ish-kryeministri thekson se kriza mund të zgjidhet nëse ka vullnet. Kujtojmë se po sot, Presidenti Meta deklaroi se çdo institucion që refuzon zbatimin e dekretit do të përballet me pasoja ligjore.