Teksa pritet një njoftim zyrtar nga Policia e Shtetit, dalin dhe detajet e para të Operacionit të RENEA-s, në qytetin e Elbasanit. Mëngjesin e sotëm u bë e ditur se kishte nisur kontrolli në ndërtimet e fisit Çapja.
Balkanweb raporton se në kuadër të hetimeve është zbuluar dhe një rast korrupsioni, që çoi drejt prangave edhe tetë zyrtarë të administratës, mes tyre edhe punonjës të Autoritetit të Mediave Audio-vizive (AMA) në Tiranë, pasi kanë kryer shkelje në mos licencim dhe pagesë taksash.
Sipas News 24, nga aksioni policor deri më tani janë arrestuar për shpërdorim detyre dhe korrupsion 8 zyrtarë të administratës shtetërore dhe janë shpallur në kërkim 4 të tjerë.
Shpërdorimi i detyrës dhe korrupsioni i punonjësve të administratës u zbulua nga hetimet që po kryeheshin për një grup kriminal në Elbasan, disa prej të cilëve janë shoqëruar në këtë operacion.
Ndërkohë për Florenc Çapjan, të arrestuar në këtë operacion është dhënë vendimi i gjykatës.