Sikur të mos mjaftonte konkurenca me Mohamed Salah, mesfushori me origjinë shqiptare duhet të bëj llogaritë edhe me një tjetër objektiv të “The Reds”. Jurgen Klopp ka shënjestruar emrin e Nicolas Pepe për të zëvendësuar egjiptianin, që ndiqet me mjaft interes nga gjigantët Europian, si Real Madrid apo dhe PSG.
Sipas “Le10sport” Pepe ka qenë objekt i një oferte transferimi nga Liverpooli, por ende nuk ka bindur Lille, e cila ka refuzuar dy oferta deri më tani. Në rast të një firme me Pepe, Shaqiri do të mendojë seriozisht largimin nga “Anfield Road”. Kartoni i 27 vjeçarit kërkohet nga Inter, Leipzig dhe Roma.