Para pak ditësh Kim Kardashian ishte për një vizitë në Shtëpinë e Bardhë dhe në fjalimin e mbajtur dha një lajmërim të rëndësishëm. Ajo tregoi se ka nisur bashkëpunimin me kompaninë e njohur “Lyft” dhe duket se këtë gjë do ta përdorë për të ndihmuar rreth 5 mijë të burgosur.
Burime pranë Kim kanë zbuluar për “TMZ” se për shkak të bashkëpunimit me yllin e njohur, kompania “Lyft” do të ofrojë 5 mijë vende pune për të burgosurit që presin të lirohen së shpejti. Gjithashtu burimet kanë treguar se Kim Karadshian është kujdesur që të burgosurit të kenë mundësi punësimi dhe strehimi. Ylli i “Keeping Up With The Kardashians” ka shpenzuar shumë kohë në burgjet e Amerikës, për t’u njohur me ata që vuajnë dënimin, çështjet e tyre dhe padrejtësitë që mund t’ju jenë bërë në gjykim. Kardashian ka ngritur zërin edhe për ata që janë dënuar me burgim të përjetshëm për çështje që nuk janë madhore. Ajo ndihmoi në lirimin e 17 të burgosurve për 90 ditë.