Policia e Tiranës ka vënë në pranga katër persona, mes të cilëve dhe një femër, e cila drejtonte rrjetin e shpërndarjes së heroinës dhe kokainës në kryeqytet.
Sipas policisë në sajë të operacionit të koduar “Perimetri” janë arrestuar B. N. (F.), 36 vjeçe, vëllai i saj, M. F., 20 vjeç, dhe M.B., 22 vjeç, E. B., 40 vjeç.
Nga informacionet e grumbulluara , dyshohej se 36-vjeçarja në bashkëpunim me vëllain e saj M. F., shisnin në qytetin e Tiranës lëndë narkotike droga të forta kryesisht Heroinë dhe Kokainë, personave të ndryshëm përdorues të lëndëve narkotike, por edhe personave të tjerë si E. B. dhe M. B. Këta të fundit lëndën narkotike pasi e blinin nga B.N dh M.F, ua shisnin atë personave të tjerë përdorues të lëndëve narkotike.
Nga ana e punonjësve të policisë të Seksionit për Hetimin e Narkotikëve pas një pune intensive është bërë e mundur kapja në flagrancë e personave të lartpërmendur me doza lënde narkotike, Heroinë, Kokainë, e gatshme për ta hedhur në treg .
Janë sekuestruar në cilësinë e provës materiale:
27 doza me lëndë narkotike e dyshuar Heroinë.
5 doza me lëndë narkotike e dyshuar Kokainë.
Një automjet, një motor ,
6 telefona celulare dhe 1 dorezë hekuri.
Vijon puna për dokumentimin e plotë ligjor të kësaj veprimtarie kriminale.