Kryetarja e grupit parlamentar demokrat Rudina Hajdari në një status në Facebook dënon aktin e një dite më parë në Shkodër ku iu vu flaka KZAZ nr.3 e cila ndodhet në ambientet e një shkolle. Ajo i bën thirrje demokratëve të distancohen nga dhuna, ndërkohë që bën të ditur se pagën mujore si deputete e dhuron për riparimin e shkollës.
STATUSI I RUDINA HAJDARIT
Të dashur demokratë,
Djegia e shkollave në Shkodrën e kulturës dhe traditave ishte një traumë kombëtare dhe dhunë anti-shqiptare.
Për këto arsye vendosa sot që pagën (rrogën) mujore t’a dhuroj për riparimin e dritareve të shkollës që u dogj dje në këtë qytet nga ata që nuk janë as demokrat dhe as socialist por thjesht servil të kryetarit dhe shpresojnë që në të ardhmen të shpërblehen me parimin: “Kush djeg dhe shkatrron më shumë bëhet drejtor ose doganier”
Le të jetë paga ime fillimi një fushate ndërgjeqsimi nga çdo shqiptarë që kërkon një Shqipëri si Europa.