Aktori i njohur i ‘Beverly Hills 90210’, Luke Perry, ndërroi jetë në muajin mars të këtij viti. Ky lajm trishtoi të gjithë fansat e tij, por dhe aktorët e ‘Riverdale’, një serial ky i viteve 2018-2019, ku Luke luante një rol të rëndësishëm. Së fundmi, producentët e këtij seriali kanë lajmëruar nëpërmjet një statusi në ‘Tëitter’ se episodi i radhës do t’i dedikohet i gjithi Luke, me titullin ‘In Memoriam’. Aktori kishte një marrëdhënie shumë të mirë me të gjithë dhe sipas tyre, xhirimet ishin gjithmonë shumë qejf me të dhe shakatë e tij. Pasi u largua nga jeta, ka pasur reagime të shumta në rrjete sociale, ku shumë personazhe që e kishin njohur personalisht, apo ato që e donin vetëm nga televizioni, shprehnin keqardhjen e tyre. Roberto Aguirre Sacasa, producenti i serialit, është shprehur se ky episod do të jetë më i rëndësishmi, kjo pasi do të jetë një nderim i Perry.
