Kreu i shtetit, Ilir Meta ka reaguar para nisjes së protestës së opozitës, teksa thekson se ajo duhet të jetë paqësore dhe larg çdo akti dhune.
Meta në reagimin e tij thekson se zgjidhja e krizës politike do të vij vetëm përmes dialogut dhe bashkëpunimit.
“Presidenti Meta thekson rëndësinë që protesta e sotme e Opozitës së Bashkuar të jetë tërësisht paqësore, larg çdo akti dhune, si dhe u bën thirrje protestuesve të vetëpërmbahen dhe të përqendrohen në kauzën për zgjedhje të lira dhe të ndershme.
Presidenti i Republikës beson se zgjidhja e krizës do të vijë vetëm përmes dialogut dhe bashkëpunimit, dhe se ai do të vazhdojë pandërprerë përpjekjet e tij në këtë drejtim”, thotë Meta.