Ditën e sotme ka ardhur edhe vendimi për të lënë jashtë Ligës së Europës skuadrën e Milanit. Kuqezinjtë janë mësuar me vendimin e marrë nga TAS, teksa italianët kanë probleme me fair play-in financiar. Në këtë mënyrë, Milani, i cila e mbylli kampionatin në vendin e 5 duke siguruar pjesëmarrjen në Ligën e Europës, tashmë duhet t’ia lirojë vendin skuadrën e Romës.
Kujtojmë se verdhekuqtë duhet të kalonin fillimisht në raundet kualifikuese për t’u kualifikuar në Europa League, teksa në rrugën për të prekur fazën e grupeve mund të përballeshin edhe me Kukësin, në rast kualifikimi të verilindorëve.
Megjithatë, tashmë skuadra kryeqytetase nuk do ta ketë të nevojshme të kalojë eliminatoret, teksa do të marrë pjesë direkt në fazën e grupeve. Sakaq, hapësirën e Romës në Kupat e Europës, do ta mbushë Torino. Kështu, torinezët do të ndjekin e rrugën e Romës dhe do ta nisin nga turi i dytë eliminator, ndërsa do të presin përballjen me fituesin e çiftit Kukësi-Debreceni.
