Aktrimi mund të duket ndoshta si një profesion i lehtë, por ka të mirat e të këqijat e tij, por kujtojmë këtu dhe rrezikun, sidomos në xhirimet e një filmi aksion.
Por aktori i humorit Vis Ukcenaj qënka plagosur live në skenë dhe për më tepër ka vijuar monologun e tij i plagosur.
“Mua më kanë plagosur në 2013- n, me thikë në teatër. Kam dhe një shenjë. Kemi qenë në prova gjenerale, ka qenë salla pothuajse plot, kemi pasur një shfaqje komedi të zezë. Personazhi në fund i hidhej për t’u vetëvrarë personazhit tjetër, sepse ai rrinte me një thikë po s’donte ta vriste se kishte frikë. Skena e fundit është që i hidhesha atij, po ai duhet ta ulte dorën kur t’i hidhesha. Ai u tremb dhe kur ju hodha, e ngriti pak dorën.”
Visjani tregoi se kishte ndjerë një si pickim e vetëm më vonë kishte parë gjakun dhe gropën në mish, sepse ndërkohë kishte vazhduar monologun. Por kolegët kishin ndërhyrë shpejt duke ia mbuluar plagën me cigare e më tej, kishte shkuar tek mjeku.