Brukseli vijon betejën finale për emërimet. Pas 12 orë tratativash non stop, liderët e 28 vendeve të BE-së akoma janë në kërkim të një marrëveshje për pasuesin e Jean Claude Juncker në krye të Komisionit Europian.
Kryeminstri italian Giuseppe Conte ka thënë se Frans Timmmermnas nuk dukej të kishte një konsesus unanim dhe është e vështirë të kuptohet nëse ka maxhorancën.
“Kriteri i Spitskandidat po has në vështirësi. Më duket pak e vështirë të mbetemi të lidhur vetëm pas këtij kriteri”, ka thënë Conte duke shtuar se duhet të jenë fleksibël në zgjedhjen e një kandidati të duhur.
Në këtë mënyrë kandidatura e Frans Timmermnas për Komisionin Europian mbetet në tavolinën e liderëve, edhe pse shtatë nga 10 krerët e qeverive janë kundër.
Seanca plenare e Këshillit të Europës u ndërpre disa herë gjatë natës për ti dhënë hapësirë negociatave bilaterale. Mes hipotezave po shqyrtohet vendimi për të vijuar vetëm me zgjedhjen e kandidatit për preidencën e Komisionit dhe parlamentit, duke shtyrë në një takim më të vonshëm, ndoshta më 15 korrik pozicionin e përfaqësuesit të lartë të BE dhe të Këshillit të Europës.