Cristiano Ronaldo, i cili ka nënshkruar me klubin Al-Nassr deri në qershor 2025, do të jetojë me partneren e tij Georgina Rodriguez në Arabinë Saudite, edhe nëse ligji në vendin arab i ndalon çiftet e pamartuara të jetojnë së bashku.
Në moshën 37-vjeçare, portugezi ka marrë një sfidë të re, duke u nënshkruar me klubin saudit Al-Nassr, ku ka një marrëveshje deri në qershor 2025. Dhe në këtë aventurë të re, ai është shoqëruar nga partnerja e tij Georgina Rodriguez, i pranishme në krah të tij, të martën, gjatë prezantimit të tij zyrtar. Sepse edhe nëse nuk janë të martuar dhe pavarësisht ligjit shumë të rreptë në Arabinë Saudite, që ndalon çiftet e pamartuara të jetojnë së bashku, pesë herë “Topi i Artë” dhe modelja duhet të jenë në gjendje të jetojnë nën të njëjtën çati.
“Ndërsa ligjet e mbretërisë ende e ndalojnë bashkëjetesën pa kontratë martese, autoritetet kohët e fundit kanë filluar të mbyllin sytë dhe të mos persekutojnë më askënd, megjithëse këto ligje përdoren kur ka një problem apo një krim”, tha një avokat saudit për agjencinë spanjolle të lajmeve EFE.
“Autoritetet saudite nuk po ndërhyjnë më në këtë çështje për emigrantët”, tha gjithashtu një avokat tjetër, i cili ende preferoi të mbetet anonim.