Ministrja e Shëndetësisë, Ogerta Manastirliu, duke folur për situatën epidemiologjike në vend, u pyet nëse do të ketë shtim të masave nëse konfirmohen variante të reja me Covid.
Në përgjigjen e saj, ministrja theksoi se është Komiteti i Ekspertëve ai që do të marrë masa në bazë të dinamikës së situatës.
“Deri më tani janë 89 vende që kanë ngritur alertin e BA5 dhe po ashtu kanë rritur ndërgjegjësimin sa i përket masave. Edhe OBSh si fjalë kyçe kundër COVID-19 kanë shtuar edhe distancimin, por edhe maskën aty ku ka grumbullime, sidomos tek ata që kanë sëmundje bashkëshoqëruese apo janë trage për tu infektuar. Komiteti i Ekspertëve ka pasur mbledhje dhe vijon mbledhje për të shqyrtuar situatën Ajo çfarë do të na sjellë e vjeshta apo dimri, Komiteti i Ekspertëve do të marrë masa në bazë të dinamikës së situatës. Por pritet të vlerësohet edhe vaksinimi për fëmijët mbi 5-vjeç është një diskutim që po bëhet dhe javën tjetër pritet të mbahet edhe një qëndrim”, deklaroi Manastirliu në “Kjo Javë”.