Mjeku Pëllumb Pipero tha sot se deri tani gratë shtatzëna dhe fëmijët përjashtohen nga kategoria e personave që do të vaksinohen. “Vaksina që janë çertifikuar deri tani përjashtojnë vaksinimin me to të fëmijëve dhe grave shtatzëna. Arsyeja pse e përjashtojnë është sepse kjo vaksinë nuk është aplikuar në ta, pra nuk ka eksperiencë klinike te fëmijët e vegjël dhe gratë shtatzëna. Për dy arsye kryesore: së pari fëmijët kanë qenë më pak të prekur nga ky virus dhe shumë rrallë humbje jete midis fëmijëve, gjithashtu po të njëjtat studime dëshmojnë të njëjtat gjetje edhe për gratë shtatzëna, të cilat janë më pak të infektuara dhe më pak të rrezikuara.
Dhe është parë e arsyeshme nga shkencëtarët që për këto fasha të mos bëhen eksperienca klinike. Duke mos patur një eksperiencë klinike këto fasha janë të përjashtuara nga vaksinimi. Ndërkohë, kompani të tjera janë në procesin e çertefikimit dhe mund të kemi prej tyre eksperienca, gjetje dhe mundësi për të parë këto fasha të popullsisë, por le t’ia lëmë kohës”– tha Pipero në Ora News.