Mjekët dermatologë konstatojnë se rrobat e reja mund të përmbajnë disa substanca potencialisht irrituese.
“Nëse përmbajnë alergjenë që sensibilizojnë lëkurën, këto kimikate do të përhapen në lëkurë dhe mund të shkaktojnë atë që quhet dermatit kontakti”, shprehet Azadeh Shirazi.
Rrobat mund të përmbajnë ngjyra sintetike apo edhe konservues për t’i mbajtur ato pa rrudha dhe prandaj duhet t’i lajmë para se t’i veshim, edhe kur i blejmë të reja.
Dermatiti i kontaktit është një patologji e lëkurës e cila shfaq skuqje si dhe kruarje të forta. Skuqja nuk është ngjitëse dhe shqetësuese për jetën por mund të jetë e pakëndshme.