Besa Kokëdhima është kthyer sërish në qendër të vëmendjes. Ajo ka folur për “Wake Up” lidhur me jetën e saj personale.
“Nuk dua që ju të dini absolutisht asgjë. Gjërat shkojnë mirë. Jam shumë e angazhuar udhëtoj vazhdimisht, më pëlqen kjo gjë. Planet artistike këtë periudhë më kanë mundësuar që të lëviz shpesh. Edhe emocionalisht jam në një vend të mirë në jetë. Ose të paktën kështu mendoj”-tha ajo.
Nga ana tjetër, Blendi Salaj e ngacmoi duke thënë: “Buzëqeshja jote i thotë të gjitha. Duket si një Besa e dashuruar”. Mirëpo, ajo nuk bëri asnjë reagim mohues.
Gjithashtu, ajo ka dy fjalë edhe për dy kënëgtaret e njohura, Beatrix dhe Elvana Gjata.
“Beatrix e kam xhan nga distanca, nuk e kam takuar asnjëherë. Duket një vajzë me një zemër shumë të mirë. Dhe është një artiste interesante, një vajzë shumë e bukur. Elvana përveçse është një artiste e mrekullueshme, e kam mikeshë prej shumë vitesh. Mikeshë zemre. Kështu që Beatrix nuk do mërzitej që unë të thoja Elvanën në këtë pikë”, tha këngëtarja.
Më tej, ajo zbuloi se do të dëshironte një bashkëpunim me Alban Skënderajn.
“Do doja një bashkëpunim me Alban Skënderajn. Nuk kemi diskutuar asgjë. Ne kemi bashkëpunuar më parë. Albani më ka bërë tekstin e “Tatuazh në zemër”, dhe bashkë me Miriamin i dua fort të dy, janë shumë të mirë. Bashkë edhe kemi kënduar. Albanin e vlerësoj shumë dhe është artisti mashkull i parë që do doja të bëja bashkëpunim.”